~~META:
title = Яўген Крупенька — Мама хлеб дзяліла
&keywords = хлеб, дзяліла, мама, хапіла, дзетака, сарока, кашка, варыла, карміла
&abstract = Чытаць верш Яўгена Крупенькі "Мама хлеб дзяліла"
&iftrue = nan
~~

====== Яўген Крупенька — Мама хлеб дзяліла ======
Хлеба было мала,\\
хлеб дзяліла мама,\\
чорны хлеб дзяліла:\\
– Ешце, ў хлебе сіла.\\
Мама жартавала,\\
калі гаварыла:\\
– Сарока-варона\\
кашку варыла,\\
кашку варыла –\\
дзетак карміла,\\
дзетак карміла –\\
дзетак лічыла:\\
– Гэтаму давала,\\
гэтай давала,\\
гэтай давала,\\
гэтай давала,\\
гэтаму давала,\\
гэтай – не хапіла.\\
Мне міргнула вокам, –\\
цяжка быць сарокай.\\
А хто была тая,\\
каму не хапіла?\\
Дзе сарока тая,\\
чый ты хлеб схапіла?\\
Як яна ўляцела?\\
Дзе яна сядзела?\\
Зачынены вокны\\
і няма сарокі.\\
Хлеб дзяліла мама,\\
пароўну дзяліла.\\
Хлеба было мала,\\
хлеба не хапіла\\
...маме.\\
\\
\\
Крыніца: Крупенька Я. Карэнні: Вершы, байкі, паэмы. – Мн.: Маст, літ., 1986. – 255 с.

 


===== Падобныя старонкі =====
  * [[ibdc.ped>хлеб]]
  * [[ibdc.ped>хлеб-3612]]
  * [[ibdc.ped>вытаптаны-хлеб]]
  * [[творы/янка-брыль/янка-брыль-сірочы-хлеб]]
  * [[ibdc.ped>хлеб-для-партызанаў]]