~~META:
title = Яўген Крупенька — Два словы
&keywords = словы, маці
&abstract = Чытаць верш Яўгена Крупенькі "Два словы"
&iftrue = nan
~~

====== Яўген Крупенька — Два словы ======
На стрэхах – клёкат бусліны.\\
Сцежка – у гай пявучы.\\
Як помнік далёкай быліны,\\
Сасна на дняпроўскай кручы.\\
\\
І калыханка сыну –\\
Маці пявучыя словы.\\
З пахам духмяным кміну\\
Хлеб на лістах кляновых.\\
\\
І колькі ні буду жыць я,\\
Да слёз маё сэрца расчуліць\\
Плач перапёлкі ў жыце,\\
Як плач удавы-матулі.\\
\\
Таполя шызага дыму\\
Над комінам раніцою,\\
Два словы –\\
Маці, Радзіма –\\
Заўсёды жывуць са мною.

 


===== Падобныя старонкі =====
  * [[творы/алесь-разанаў/алесь-разанаў-радзіма]]
  * [[творы/янка-купала/тэма-народнага-жыцця-і-любоў-да-радзімы-]]
  * [[ibdc.ped>ганарымся-бацькаўшчынай]]
  * [[творы/алесь-бачыла/алесь-бачыла-радзіма-мая-дарагая]]
  * [[ibdc.ped>скарбы-нашай-радзімы]]