~~META:
title = Яўгенія Янішчыц — Як называюцца слёзы?
&keywords = называюцца, слёзы
&abstract = Чытаць верш Яўгеніі Янішчыц "Як называюцца слёзы?"
&iftrue = nan
~~

====== Яўгенія Янішчыц — Як называюцца слёзы? ======
Попел і чорныя цені майна.\\
Вые у комінах скруха.\\
Як называюцца слёзы? –

Вайна.

Смерць.

Галадоўка.

Разруха.

Спее сусветнага жаху града.\\
Хто пазбірае каменне?\\
Як называюцца слёзы? –\\
Бяда.

Здрада.

Разрыў.

Адчужэнне.

Мілы, мы зналі кахання палын,\\
Трушчыць як сэрцы – самота.\\
Святлынь.

Радасць.

Здзіўленне.

Пяшчота.

Крэўнасць зарук, нібы іскры з кастра...\\
Свеце бянтэжны мой, дзе я?\\
Як называюцца слёзы? –\\
Сястра.

Маці.

Планета.

Надзея.

 


===== Падобныя старонкі =====
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]