~~META:
title = Яўгенія Янішчыц — У шуме жытняга святла
&keywords = святла, шуме, жытняга
&abstract = Верш Яўгеніі Янішчыц "У шуме жытняга святла"
&iftrue = nan
~~

====== Яўгенія Янішчыц — У шуме жытняга святла ======
Яшчэ расці маёй трывозе\\
І не любіць – на паўкрыла.\\
Убачу маму на дарозе\\
У шуме жытняга святла.\\
\\
І покуль гэты поўдзень спелы\\
Дым тарфяны не завалок,\\
На зрэзе дня – рамонак белы\\
І пасівелы васілёк.\\
\\
Снуецца беглая сцяжына –\\
Апошні збег майго сяла.\\
Гняздзечка птушкі і ажына –\\
У шуме жытняга святла.\\
\\
І покуль дыхае планета,\\
Не вынішчаецца датла\\
Душа народа і паэта\\
У шуме жытняга святла.

 


===== Падобныя старонкі =====
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]