~~META:
title = Яўгенія Янішчыц — У бабулі Паланеі
&keywords = бабуля, Паланея
&abstract = Чытаць верш Яўгеніі Янішчыц "У бабулі Паланеі"
&iftrue = nan
~~

====== Яўгенія Янішчыц — У бабулі Паланеі ======
Даль паднімуць, сон развеюць.\\
Разбірай, лугі, касцоў! —\\
У бабулі Паланеі\\
Пяць асілкаў-малайцоў.\\
   \\
I ў спякоту, і ў завею\\
Кліча вуліца хлапцоў —\\
У бабулі Паланеі\\
Пяць асілкаў-малайцоў.\\
\\
Віктар, Косця, Пеця, Дзіма,\\
Самы меншанькі — Назар.\\
...На пажоўклы фотаздымак\\
Пакацілася сляза.\\
\\
А чаму — пытаць не смею.\\
Для бабулі свет не міл —\\
\\
У бабулі Паланеі\\
Пяць сыноў і пяць магіл.

 


===== Падобныя старонкі =====
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/творчасць-яўгеніі-янішчыц]]