~~META:
title = Яўгенія Янішчыц — Ты цяпер немагчыма далёка...
&keywords = воран
&abstract = Верш Яўгеніі Янішчыц "Ты цяпер немагчыма далёка..."
&iftrue = nan
~~

====== Яўгенія Янішчыц — Ты цяпер немагчыма далёка... ======
Ты цяпер немагчыма далёка.\\
Вырву з градаў палын і асот.\\
Але воран – калючае вока –\\
Прабівае душу навылёт.\\
\\
Захінуся шалёнаю сцюжай,\\
Завяжу вузялочкам кутас.\\
Чорны воран над белаю ружай:\\
О, які фантастычны кантраст!\\
\\
Я сачу, як пялёсткі злятаюць,\\
Як заходзіцца вецер сляпы,\\
Рызыкоўна праз боль праступаюць\\
Кіпці ворана, ружы шыпы.\\
\\
Адкажы, да чаго б гэта, дружа,\\
Кружыць, сну разарваўшы кілім,\\
Чорны воран над белаю ружай,\\
Як над выстылым сэрцам маім.

 


===== Падобныя старонкі =====
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-каліна-зімы]]