~~META:
title = Яўгенія Янішчыц — Тата
&keywords = тата
&abstract = Чытаць верш Яўгеніі Янішчыц "Тата"
&iftrue = nan
~~

====== Яўгенія Янішчыц — Тата ======
Позірк пяшчотны злаўлю,\\
Светлы, нібы ад пшаніцы:\\
— Хочаш, пярсцёнак куплю,\\
Хочаш — вазьму завушніцы.\\
\\
Ты клапаціўся дарма:\\
Вока на цацкі не мела.\\
Столькі мне год, што й сама\\
Я абдарыць бы хацела.\\
\\
Як зажуруся ў жыцці —\\
Хоць бы маленькую ўцеху!\\
А да цябе — не дайсці,\\
А да цябе — не даехаць.\\
\\
Ты мой заступнік адзін.\\
Высахлі слёзы. Не плачу.\\
Дык хоць у сне пакладзі\\
Рукі на лоб мой гарачы.

 


===== Падобныя старонкі =====
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-свята-пірага]]