~~META:
title = Яўгенія Янішчыц — Прыедзь у край мой ціхі...
&keywords = Прыедзь, край, мой, ціхі
&abstract = Чытаць верш "Прыедзь у край мой ціхі..." Яўгеніі Янішчыц
&iftrue = nan
~~

====== Яўгенія Янішчыц — Прыедзь у край мой ціхі... ======
Прыедзь у край мой ціхі,\\
Тут продкаў галасы,\\
Тут белыя бусліхі\\
І мудрыя лясы.\\
\\
Хапае на Палессі\\
І сонца, і вады.\\
І што ні двор - то песня,\\
Што вёска - то сады.\\
\\
Па травах светла-шызых\\
Мы пройдзем ля ракі,\\
Дзе, мыючы бялізну,\\
Вядуць сваё жанкі.\\
\\
І будзе песня спета\\
Пра шчасце і бяду,\\
І будзе падаць лета\\
Ў гуллівую ваду.\\
\\
Прыедзь у край мой ціхі,\\
Тут продкаў галасы.\\
Тут белыя бусліхі\\
І мудрыя лясы.

 


===== Падобныя старонкі =====
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/яўгенія-янішчыц-свята-пірага]]