~~META:
title = Яўгенія Янішчыц — Падставіць голасу лісток...
&keywords = Падставіць, голасу, лісток
&abstract = Чытаць верш "Падставіць голасу лісток..." Яўгеніі Янішчыц
&iftrue = nan
~~

====== Яўгенія Янішчыц — Падставіць голасу лісток... ======
Падставіць голасу лісток,\\
Няхай сцякаюць гук за гукам\\
I не кляцьба, і не зарок,\\
Не боль, не гром і не разлука,\\
А — набалелая вышынь,\\
А — нагрымелая трывога,\\
А — высакосная ў цішы\\
Незацугляная дарога.\\
Хай слова слова апячэ,\\
I хай шукае месца клічнік\\
У неадкрытым, у яшчэ\\
Чужым і стоеным абліччы.\\
Я рада, што праз груд гадоў\\
Не развучылася смяяцца,\\
Што выняньчаны мной радок\\
Не можа з іншымі змяшацца.\\


 


===== Падобныя старонкі =====
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]