~~META:
title = Яўгенія Янішчыц — Мамчына сіла
&keywords = маміна, покуль, дрэва, сіла, дажджы
&abstract = Чытаць верш Яўгеніі Янішчыц "Мамчына сіла"
&iftrue = nan
~~

====== Яўгенія Янішчыц — Мамчына сіла ======
Пачынае святлець,\\
Толькі дрэва – у раме.\\
\\
...Як балюча хварэць\\
Пры наглядзе у мамы!\\
\\
Бачыш рукі, што спрэс\\
Гатавалі, палолі.\\
\\
Воля маміна – лес.\\
Доля маміна – поле.\\
\\
«Вось з маліны настой.\\
Чабарэц. Цвет ліповы».\\
\\
А сама пехатой –\\
Трэба сена і дровы.\\
\\
«Ты папі. Анягож\\
Не адыдзе хвароба?»\\
\\
А сама басанож\\
Па дажджы і калдобах.\\
\\
А сама – за вадой\\
У галалёд і завею,\\
Покуль чахну журбой\\
І падняцца не ўмею,\\
\\
Покуль трызню у сне\\
Жоўтым снегам і сінім.\\
...Голька дрэва ў акне\\
А ці маміна сіла?

 


===== Падобныя старонкі =====
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/яўгенія-янішчыц-мова]]