~~META:
title = Яўгенія Янішчыц — Каліна зімы
&keywords = каліна, зіма
&abstract = Чытаць верш Яўгеніі Янішчыц "Каліна зімы"
&iftrue = nan
~~

====== Яўгенія Янішчыц — Каліна зімы ======
Полымем зыркім душу апаліла.\\
Полымем белым ўзняло з небыцця.\\
...Ой жа зімой закіпае каліна,\\
Гронка яе — як надзея жыцця.\\
\\
Позняя ягадка позняй спакусы.\\
Вэлюм маёвы растаў па вясне.\\
Запунсавела-прыпухлыя вусны\\
Свецяцца ціха-шчасліва праз снег.\\
\\
Выберу сёння якую вандроўку,\\
Каб неўталоннай душы дагадзіць?\\
Светла аклікну каліну-сяброўку —\\
Сумам маім на мяне паглядзіць.\\
\\
Белапушыстыя ўскінуты бровы.\\
Час замірання. I час адкрыцця.\\
Доля мая — нібы гронка любові\\
Б'ецца над сцішанай голькай жыцця.\\
\\


 


===== Падобныя старонкі =====
  * [[творы/яўгенія-янішчыц/яўгенія-янішчыц-прыедзь-у-край-мой-ціхі]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-мова]]