~~META:
title = Яўгенія Янішчыц — Голас з акцэнтам
&keywords = акцэнтам
&abstract = Чытаць верш Яўгеніі Янішчыц "Голас з акцэнтам"
&iftrue = nan
~~

====== Яўгенія Янішчыц — Голас з акцэнтам ======
Маўчаць невыносныя сцены.\\
Далёка за поўнач не сплю.\\
Твой голас з магічным акцэнтам\\
Скрозь горкую ростань лаўлю.\\
\\
Лятунак, сяйво, даварога\\
Ці выраю спознены клін?\\
Дык дзякуй, служанка-дарога,\\
За крохкую радасць хвілін!\\
\\
Па каліўцу ласкі, па промню\\
Ляціць у акно светлыня.\\
Забудуся, але запомню\\
Дыханне шчаслівага дня.\\
\\
Вясковы, сталічны, трагічны,\\
Імя сваё, век, назаві!\\
О, гэты світанак магічны\\
З акцэнтам шчымлівай любві...

 


===== Падобныя старонкі =====
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-мова]]
  * [[творы/яўгенія-янішчыц/яўгенія-янішчыц-каліна-зімы]]