~~META:
title = Яўгенія Янішчыц — Вячэрнія радкі
&keywords = пакуль
&abstract = Чытаць верш Яўгеніі Янішчыц "Вячэрнія радкі"
&iftrue = nan
~~

====== Яўгенія Янішчыц — Вячэрнія радкі ======
Забыць на момант дробязі

і гора,

І свет чытаць нанова, па складах,\\
І ў непагадзь шукаць сабе надвор’я\\
У музыцы,

у людзях,

у радках.

Зліюся непадзельна з мовай ночы\\
Далей ад чутак і перасцярог,\\
Аж цемната пакуль не выесць вочы\\
І першы промень выдаць не захоча\\
Па-здрадніцку – ад галавы да ног.\\
Ну, а пакуль дыктуе сябра-вечар\\
Мне лініі няўлоўных часам рыс.\\
І вобраз нада мной ужо трапеча\\
Адноўлена, нібы вясновы ліст.\\
Сама ў сябе як след яшчэ не веру.\\
Ды словы распускаюцца, як мак.\\
І падае на белую паперу\\
Наспеўшай думкі старажытны знак.

 


===== Падобныя старонкі =====
  * [[творы/яўгенія-янішчыц/яўгенія-янішчыц-ты-пакліч-мяне-пазаві]]
  * [[творы/яўгенія-янішчыц/творчасць-яўгеніі-янішчыц]]
  * [[творы/яўгенія-янішчыц/яўгенія-янішчыц-каліна-зімы]]
  * [[творы/яўгенія-янішчыц/яўгенія-янішчыц-свята-пірага]]
  * [[творы/яўгенія-янішчыц/яўгенія-янішчыц-мова]]