~~META:
title = Яраслаў Пархута — Тройчы забіты
&keywords = захацеў, забілі, зямлі, чакае, тройчы, забіты
&abstract = Чытаць кароткую навелу Яраслава Пархуты "Тройчы забіты"
&iftrue = nan
~~

====== Яраслаў Пархута — Тройчы забіты ======
Яго прасілі:\\
– Вырві карані свае з зямлі гэтай, ідзі за намі. Толькі ў нас цябе чакае багацце.\\
Не вырваў. Не пайшоў. Не захацеў багацця таго. I яго забілі.\\
Яму прапаноўвалі:\\
– Адрачыся веры свае, прымі нашу. Толькі сярод нас цябе чакае слава.\\
Не адрокся. Не прыняў. Не захацеў славы тае. I яго забілі.\\
Яму загадвалі:\\
– Забудзь матчыну мову, назаўсёды пакінь народ свой. Толькі ў нас ты адчуеш сябе шчаслівым.\\
Не забыў. Не пакінуў. Не захацеў шчасця таго. I яго забілі.\\
...Тройчы забіты, ён застаўся навечна СЫНАМ зямлі сваёй.

 


===== Падобныя старонкі =====
  * [[творы/яраслаў-пархута/яраслаў-пархута-журавы]]
  * [[творы/яраслаў-пархута/яраслаў-пархута-апошні-гусляр]]
  * [[творы/яраслаў-пархута/яраслаў-пархута-снегавічок]]
  * [[творы/яраслаў-пархута/яраслаў-пархута-бомжык]]
  * [[творы/яраслаў-пархута/яраслаў-пархута-птушыны-інтэрнат]]