~~META:
title = Ян Чачот — Развітанне Касцюшкі з Юліяй
&keywords = развітанне, Касцюшка, Юлія
&abstract = Чытаць верш Яна Чачота "Развітанне Касцюшкі з Юліяй"
&iftrue = nan
~~

====== Ян Чачот — Развітанне Касцюшкі з Юліяй ======
1\\
А калі паедзеш, дык бывай,\\
Пра маё каханне ўспамінай!\\
Ты ў чужых краінах будзеш жыць,\\
Я цябе няспынна буду сніць.\\
\\
2\\
А калі паеду, з Богам будзь,\\
Пра маё каханне не забудзь.\\
У якіх краінах мне б ні быць,\\
Юліяй адзінай буду жыць.\\
\\
3\\
Хоць разлучыць, можа, доля нас,\\
Любасць пераможа нават час.\\
Ты ў чужых краінах будзеш жыць,\\
Я цябе няспынна буду сніць.\\
\\
4\\
Гэта падарожжа ў дальні край,\\
Дык навек мне, можа, ад’ю дай!\\
Мо я не вярнуся з даляў тых,\\
Дай зары нап’юся з воч тваіх.\\
\\
5\\
О мая заранка! Як мне быць?\\
Рана ў сэрцы, рана. Так баліць!\\
Зараз ад’язджаю. З Богам будзь.\\
Любая... Кахаю... Не забудзь...\\
\\
6\\
Ты ўжо ад’язджаеш — ах, бывай.\\
Пра маё каханне ўспамінай!\\
Ты ў чужых краінах будзеш жыць,\\
Я цябе няспынна буду сніць.

 


===== Падобныя старонкі =====
  * [[творы/ян-чачот/ян-чачот-паэзія-30-40-гг-хіх-ст]]
  * [[творы/ян-чачот/ян-чачот-свіцязь]]
  * [[творы/ян-чачот/ян-чачот-песні-і-балады]]
  * [[творы/ян-чачот/ян-чачот-яжовыя-імяніны]]
  * [[творы/ян-чачот/ян-чачот-о-ты-край-мой-нешчаслівы]]