~~META:
title = Ян Чачот — Покуль сонца ўзыдзе...
&keywords = пане, сонца
&abstract = Верш Яна Чачота "Покуль сонца ўзыдзе..."
&iftrue = nan
~~

====== Ян Чачот — Покуль сонца ўзыдзе... ======
Покуль сонца ўзыдзе,

Раса выесць вочы;

Кепска, як аконам

Лаяць, біць ахвочы.

\\
Пане ты наш, пане!

Будзь жа нам ласкавы,

Не дай аканома,

Што асцёбаць жвавы;

\\
Хто мужычкоў глуміць,

Надвое варожыць:

Грош пану ў кішэню,

А два сабе ўложыць.

 


===== Падобныя старонкі =====
  * [[творы/ян-чачот/ян-чачот-паэзія-30-40-гг-хіх-ст]]
  * [[творы/ян-чачот/ян-чачот-яжовыя-імяніны]]
  * [[творы/ян-чачот/ян-чачот-свіцязь]]
  * [[творы/ян-чачот/ян-чачот-песні-і-балады]]
  * [[творы/ян-чачот/ян-чачот-о-ты-край-мой-нешчаслівы]]