~~META:
title = Ян Чачот — О ты край мой нешчаслівы...
&keywords = Чачот, край, мой, нешчаслівы
&abstract = Чытаць верш Яна Чачота "О ты край мой нешчаслівы..."
&iftrue = nan
~~

====== Ян Чачот — О ты край мой нешчаслівы... ======
О ты край мой нешчаслівы!\\
Дзе ж твае ўсе абаронцы?\\
Ці ўжо ўбачыць твае нівы\\
Шматчаканай волі сонца?\\
\\
Вораг, глянь, грабе адкрыта\\
Дар найшчодры твайго поля,\\
Ад тваіх ахвяраў сыты,\\
Ён смяецца з нашай долі.\\
\\
Цноты продкаў топча, памяць\\
Аб табе ён выдраць хоча\\
І за плач па волі пляміць\\
І карае нас ахвоча.\\
\\
Робіць з нас ён братабойцаў,\\
Сее ў душах злосць зацята.\\
Ну ж і час: сын, бацьку бойся,\\
Бойся ўсюды, браце, брата!\\
\\
О ты край мой нешчаслівы!\\
Дзе ж твае ўсе абаронцы?\\
Ці ўжо ўбачаць твае нівы\\
Шматчаканай волі сонца?\\
\\
Калі ж дзецям, што ў прыгоне,\\
Шчасце-долю высняць маткі?\\
І калі выбранцаў скроні\\
Вы ўвянчаеце, дзяўчаткі?

 


===== Падобныя старонкі =====
  * [[творы/ян-чачот/ян-чачот-песні-і-балады]]
  * [[творы/ян-чачот/ян-чачот-свіцязь]]
  * [[творы/ян-чачот/ян-чачот-яжовыя-імяніны]]
  * [[постаці/ян-чачот]]
  * [[творы/ян-чачот/ян-чачот-паэзія-30-40-гг-хіх-ст]]