~~META:
title = Янка Сіпакоў — Я люблю цябе да скону...
&keywords = цябе, зялёны, трывожна, люблю, такую, шарык
&abstract = Чытаць верш Янкі Сіпакова "Я люблю цябе да скону..."
&iftrue = nan
~~

====== Янка Сіпакоў — Я люблю цябе да скону... ======
Я люблю цябе да скону,\\
Я люблю цябе да звону,\\
Я люблю цябе з вагона,\\
З самалёта, з карабля,\\
Цёплы шарык мой зялёны,\\
Ціхі шарык мой зялёны,\\
Мікрашарык мой зялёны –\\
Несхадзімая зямля!\\
\\
На табе – вясна віруе,\\
На табе – зіма снягуе,\\
На табе – і лета чуе:\\
Восень у лісці шуршыць.\\
Я цябе знайшоў такую,\\
Я цябе адкрыў такую,\\
Зберагу цябе такую,\\
Покуль буду сам я жыць.\\
\\
Вось таму змаўчаць не можна,\\
Вось таму баіцца кожны:\\
Над табой, такой мурожнай,\\
У павевах вецярка,\\
Чуеш, як зусім трывожна,\\
Як нахабна і трывожна,\\
Дзесьці здружана трывожна\\
З мечам шэпчацца рука.\\
\\


Крыніца: Сіпакоў Я. Выбраныя творы. У 2 т. Т. 1. Паэзія / Прадм. Л. Ламекі. – Мн.: Маст. Літ., 1995. – 431 с.

 


===== Падобныя старонкі =====
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-лета-з-мятлушкай]]
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-як-спакайней]]