~~META:
title = Янка Сіпакоў — Шануйце зямлю нашу ўвесну...
&keywords = шануйце, зямлю
&abstract = Чытаць верш "Янкі Сіпакова "Шануйце зямлю нашу ўвесну..."
&iftrue = nan
~~

====== Янка Сіпакоў — Шануйце зямлю нашу ўвесну... ======
Шануйце зямлю нашу ўвесну,\\
Што ўся аддалася сяўбе.\\
Як ёй жывецца, балеснай,\\
Семя прыняўшы ў сябе?\\
\\
Шкадуйце зямлюсю ўлетку –\\
Цяжарныя хлебам палі.\\
А ўсё, што з надзеяю гэткай,\\
Хіба зневажалі калі?!\\
\\
Беражыце зямельку ўвосень –\\
Спакойна раджае няхай\\
Усё, што ў сабе яна носіць\\
Ад сеялкі і лемяха.\\
\\
Не чапайце зямліцу зімою,\\
Што нібы парадзіха ў сне.\\
Гордая стомай сваёю\\
Няхай і яна адпачне.

 


===== Падобныя старонкі =====
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-лета-з-мятлушкай]]