~~META:
title = Янка Сіпакоў — Слёзы маці
&keywords = маці, сын
&abstract = Чытаць верш Янкі Сіпакова "Слёзы маці"
&iftrue = nan
~~

====== Янка Сіпакоў — Слёзы маці ======
Сын прыехаў, хусціну прывёз —\\
Пасвятлела адразу ў хаце.\\
Дык чаму ж не ўтрымала слёз,\\
Дык чаго ж гэта плача маці?\\
\\
Выглядала з відна да відна\\
I чакала, нібыта свята...\\
А цяпер?.. Ці ж не рада яна —\\
Сын жа ў госці прыехаў салдатам.\\
\\
Не...\\
I радасна ёй, а калі б\\
Усё ішло сваім ладам ды следам,\\
Трое хлопцаў старэйшых маглі б\\
За сталом за бацькоўскім абедаць.\\
\\
Не прыйшлі яе дзеці з вайны,\\
Не грымець тром чаканым вяселлям...\\
То ж па вас, дарагія сыны,\\
Ручнікі ўсё слязьмі яна беліць.

 


===== Падобныя старонкі =====
  * [[ibdc.ped>зязюльчыны-слёзкі]]
  * [[творы/янка-сіпакоў/янка-сіпакоў-як-спакайней]]
  * [[творы/янка-маўр/янка-маўр-слёзы-тубі]]
  * [[ibdc.ped>бабровы-слёзы]]
  * [[творы/янка-сіпакоў/янка-сіпакоў-перавернуты]]