~~META:
title = Янка Сіпакоў — Разня
&keywords = мамачка, мамка
&abstract = Чытаць баладу "Разня" Янкі Сіпакова
&iftrue = nan
~~

====== Янка Сіпакоў — Разня ======
//Кашубская балада. XIV стагоддзе//

\\
— Мамачка, мамка, а дзе ж наш татка,\\
Чаму не ідзе ён дахаты?\\
— Сыне мой, сыне, мусіць, дзіцятка,\\
Татка ўсё ў моры заняты.\\
\\
— Мамачка, мамка, а што там за крыкі?\\
Чуеш, здаецца, там плачуць...\\
— Сыне мой, сыне, то ж вецер вялікі —\\
Бура пачнецца няйначай.\\
\\
— Мамачка, мамка, а што вунь за цацка\\
У дзядзькі, што грукае ў дзверы?\\
— Сыне мой, сыне, гэта ж знянацку\\
За цацку прыняў ты сякеру.\\
\\
— Мамачка, мамка, чаму, паглядзіце,\\
Чырвоная рэчка такая?\\
— Сыне мой, сыне, у ёй не вадзіца —\\
То ж кроў наша, сыне, людская.\\
\\
— Мамачка, мамка, нас выручыць хочуць?\\
Бяжыць чалавек на наш ганак...\\
— Не чалавек ён, а мой ты званочак,\\
Гэта ж

крыжак

паганы!

 


===== Падобныя старонкі =====
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-лета-з-мятлушкай]]
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-клетка]]