~~META:
title = Янка Сіпакоў — Ляжаць на далоні зерні...
&keywords = зерні, далоні
&abstract = Чытаць верш Янкі Сіпакова "Ляжаць на далоні зерні..."
&iftrue = nan
~~

====== Янка Сіпакоў — Ляжаць на далоні зерні... ======
Ляжаць на далоні зерні...\\
Не верне зямля іх?.. Ці верне?..\\
Чысценькія такія,\\
Дагледжаныя і сухія;\\
Іх аддаваць страшліва\\
Нават зямлі ўрадлівай.\\
\\
А што, калі сонца не знойдзе\\
I промень воддаль іх пройдзе?..\\
А што, як у цёмных нетрах\\
Не хопіць для іх паветра?..\\
I яны, нібы рыба на беразе,\\
Задыхнуцца ў раллі?..

Не верыце?

I не верце, бо нават у жменях,\\
Як жывыя, варушацца зерні\\
I ў пальцы дзяўбуць расткамі –\\
У руках прарастаюць самі...\\
Расшчапіце хутчэй далоні –\\
Не трымайце жыццё ў палоне!

 


===== Падобныя старонкі =====
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-лета-з-мятлушкай]]
  * [[творы/янка-сіпакоў/янка-сіпакоў-заміра]]