~~META:
title = Янка Сіпакоў — Лета. Акварэль
&keywords = далей
&abstract = Чытаць верш Янкі Сіпакова "Лета. Акварэль"
&iftrue = nan
~~

====== Янка Сіпакоў — Лета. Акварэль ======
Палі пасмяглі.

Навакол звінела

Паветра перасушана.

Густы

Быў поўдзень.

I дзе птушка села –

Кусціўся пыл.

Што жухлыя лісты,

Шуршэла лета.

Спёка, як трывога,

Вісела над жытамі.

I ратай

Глядзеў, задумлівы, на ніву.

А дарога

Стамлёна бралася

на самы небакрай –

Далей,\\
Далей,\\
Далей –\\
У цень Зямлі...\\


\\
Крыніца: Сіпакоў Я. Выбраныя творы. У 2 т. Т. 1. Паэзія / Прадм. Л. Ламекі. – Мн.: Маст. Літ., 1995. – 431 с.

 


===== Падобныя старонкі =====
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-лета-з-мятлушкай]]