~~META:
title = Янка Сіпакоў — Зялёнае воблака на рынку
&keywords = бярыце, прывёз
&abstract = Чытаць верш Янкі Сіпакова "Зялёнае воблака на рынку"
&iftrue = nan
~~

====== Янка Сіпакоў — Зялёнае воблака на рынку ======
Бярыце, людзі, – я вам прывёз\\
Вятры, травінкамі закалыханыя.\\
Вось перад вамі паўнюткі воз\\
Салаўіных песень, што з лугу сабраныя.\\
\\
Бярыце веснюю радасць маю –\\
Май, што водарам красак успоены.\\
Бярыце. Я з краскамі мёд аддаю –\\
Ён на гудзе пчаліным настоены.\\
\\
Я прывёз у горад, дзівак,\\
Росных захадаў ціхія водбліскі.\\
Спрачацца не будзем – бярыце за так\\
Усё зялёнае летняе воблака –\\
Воз духмянага сена!

 


===== Падобныя старонкі =====
  * [[творы/янка-сіпакоў/янка-сіпакоў-лета-з-мятлушкай]]
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-перавернуты]]