~~META:
title = Янка Сіпакоў — Запрашэнне ў раніцу
&keywords = раніцу
&abstract = Чытаць верш Янкі Сіпакова "Запрашэнне ў раніцу"
&iftrue = nan
~~

====== Янка Сіпакоў — Запрашэнне ў раніцу ======
Там\\
Да хрусту ў галінах\\
Пацягваюцца спрасоння бярозкі\\
I атрасаюцца ад імху і лісця\\
Баравікі.\\
\\
Там,\\
Паколаты яловымі лапкамі,\\
Выходзіць з лесу густы туман,\\
Якім накрываліся зайчаняты\\
Ноччу.\\
\\
Там\\
Спрабуюць галасы птушкі\\
I настройваюць на вясёлую песню\\
Свае адсырэлыя за ноч\\
Жалейкі.\\
\\
Там,\\
Нібы тварык твайго смяшлівага сына —\\
Ружовага ад палётаў у сне, —\\
Выглядвае, як з-пад коўдры,

з-за лініі гарызонта

Сонца.\\
\\
Спяшайце\\
У ціхую раніцу гэткую\\
Усе, хто хоча пачуць,\\
Як, слізгануўшы па расіне, звініць\\
Першы промень.\\


 


===== Падобныя старонкі =====
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-лета-з-мятлушкай]]
  * [[творы/янка-сіпакоў/янка-сіпакоў-заміра]]