~~META:
title = Янка Сіпакоў — Варта ў крылы паверыць свае...
&keywords = крылы, паверыць, чакае, варта, сіпакоў
&abstract = Чытаць верш Янкі Сіпакова "Варта ў крылы паверыць свае..."
&iftrue = nan
~~

====== Янка Сіпакоў — Варта ў крылы паверыць свае... ======
Варта ў крылы паверыць свае,\\
Трэба ў крылы свае паверыць,\\
А нам смеласці ўсё не стае,\\
Каб свой край на свой лёт перамераць.\\
\\
Крылы нашы – для радасці, мар,\\
Крылы нашы – для працы і свята.\\
Крылы – лішнія, крылы – цяжар,\\
Калі ў іх не верыш зацята.\\
\\
Крылы ціснуцца пудка к спіне –\\
I адкуль сарамлівасць такая?\\
Хто, як ветразі, іх развіне?\\
А Радзіма чакае, чакае...\\
\\
Каб пад намі зямля паплыла,\\
Каб вятры захадзілі над намі, –\\
Трэба верыць у сілу крыла\\
I абняць Беларусь крыламі!

\\
\\
Крыніца: Сіпакоў Я. Выбраныя творы. У 2 т. Т. 1. Паэзія/Прадм. Л. Ламекі. – Мн.: Маст. Літ., 1995. – 431 с.

 


===== Падобныя старонкі =====
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-лета-з-мятлушкай]]
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-клетка]]