~~META:
title = Янка Сіпакоў — Адгукніся...
&keywords = калі, гарматы, чакай
&abstract = Чытаць верш Янкі Сіпакова "Адгукніся..."
&iftrue = nan
~~

====== Янка Сіпакоў — Адгукніся... ======
Адгукніся\\
На стук у акно асцярожны;\\
Дай вады,\\
Калі просіць яе падарожны;\\
Абагрэй,\\
Калі той скарчанеў на марозе;\\
Накармі,\\
Калі доўга не еў у дарозе.\\
Ды не вер,\\
Калі вораг прыкінецца братам;\\
Не маўчы,\\
Калі смерць напаўняе гарматы;\\
Не чакай,\\
Каб цябе закавалі ў кайданы;\\
Не даруй\\
Ні за здзек,

ні за гвалт,

ні за раны!

 


===== Падобныя старонкі =====
  * [[творы/янка-сіпакоў/янка-сіпакоў-клетка]]
  * [[творы/янка-сіпакоў/янка-сіпакоў-перавернуты]]
  * [[творы/янка-сіпакоў/янка-сіпакоў-як-спакайней]]
  * [[творы/янка-сіпакоў/янка-сіпакоў-заміра]]
  * [[творы/янка-сіпакоў/янка-сіпакоў-лета-з-мятлушкай]]