~~META:
title = Янка Купала — Сонцу
&keywords = сонца, свеціш, ясна, няшчасны
&abstract = Верш Янкі Купалы "Сонцу"
&iftrue = nan
~~

====== Янка Купала — Сонцу ======
Ой ты, маё сонца,\\
Як жа свеціш ясна!\\
Дзе ж было раней ты,\\
Як быў я няшчасны?\\
\\
Як я ў малалецтве\\
Радасці не ведаў,\\
Як за мной пляліся\\
Бяда, гора следам.\\
\\
Як бацьку хаваў я,\\
Выбітага з сілаў,\\
Як яго магілу\\
Паводка размыла.\\
\\
Як ішоў маркотны,\\
Не знаўшы дарогі,\\
Абіваць з паклонам\\
Панскія парогі.\\
\\
Як у адзіноцтве\\
Бадзяўся па свеце,\\
Як моладасць згібла\\
У самым расцвеце.\\
\\
Ой ты, маё сонца,\\
Як жа свеціш ясна!\\
Дзе ж было раней ты,\\
Як быў я няшчасны?\\
\\
1935

 


===== Падобныя старонкі =====
  * [[творы/васіль-вітка/васіль-вітка-хто-памагае-сонцу]]
  * [[ibdc.ped>сонца-не-стаіць-на-месцы]]
  * [[творы/эдзі-агняцвет/эдзі-агняцвет-галоўны-дворнік]]
  * [[ibdc.ped>гімн-жыццю]]
  * [[творы/якуб-колас/якуб-колас-усход-сонца]]