~~META:
title = Янка Купала — Роднае слова
&keywords = слова, роднае, мова, жывеш
&abstract = Чытаць верш Янкі Купалы "Роднае слова"
&iftrue = nan
~~

====== Янка Купала — Роднае слова ======
Магутнае слова, ты, роднае слова!

Са мной ты на яве і ў сне;

Душу мне затрэсла пагудкаю новай,

Ты песень наўчыла мяне.

\\
Бяссмертнае слова, ты, роднае слова!

Ты крыўды, няпраўды змагло;

Хоць гналі цябе, накладалі аковы,

Дый дарма: жывеш як жыло!

\\
Свабоднае слова, ты, роднае слова!

Зайграй ты смялей, весялей!

Хоць гадзіны сыкаюць, кружацца совы,

Жывеш ты на хвалу людзей.

\\
Загнанае слова, ты, роднае слова!

Грымі ж над радзімай зямлёй:

Што родная мова, хоць бедная мова,

Мілей найбагатшай чужой!

 


===== Падобныя старонкі =====
  * [[ibdc.ped>роднае-слова]]
  * [[слоўнік/слова]]
  * [[творы/іншае/слова-пра-паход-ігаравы]]
  * [[ibdc.ped>хто-ж-аўтар-слова-пра-паход-ігаравы]]
  * [[творы/рыгор-крушына/рыгор-крушына-слова]]