Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Янка Купала — Мужык
&keywords = мужык, дурны, свет, хлеб, крык, век, жыць
&abstract = Верш Янкі Купалы "Мужык"
&iftrue = nan
~~

====== Янка Купала — Мужык ======
Што я мужык, усе тут знаюць,\\
І, як ёсць гэты свет вялік,\\
З мяне смяюцца, пагарджаюць, –\\
Бо я мужык, дурны мужык.\\
\\
Чытаць, пісаць я не умею,\\
Не ходзіць гладка мой язык,\\
Бо толькі вечна ару, сею, –\\
Бо я мужык, дурны мужык.\\
\\
Бо з працы хлеб свой здабываю,\\
Бо зношу лаянку і крык,\\
І свята рэдка калі знаю, –\\
Бо я мужык, дурны мужык.\\
\\
Галеюць дзеці век без хлеба,\\
Падзёрты жончын чаравік,\\
Не маю грошы на патрэбу, –\\
Бо я мужык, дурны мужык.\\
\\
Заліты потам горкім вочы;\\
Ці я малы, ці я старык, –\\
Працую, як той вол рабочы, –\\
Бо я мужык, дурны мужык.\\
\\
Як хвор ды бедзен – сам бяруся\\
Лячыць сябе: я чараўнік!\\
Бо я без доктара лячуся, –\\
Бо я мужык, дурны мужык.\\
\\
Што голы я, павінен згінуць,\\
Як той у лесе чашчавік,\\
І, як сабака, свет пакінуць, –\\
Бо я мужык, дурны мужык.\\
\\
Але хоць колькі жыць тут буду,\\
Як будзе век тут мой вялік,\\
Ніколі, браткі, не забуду,\\
Што чалавек я, хоць мужык.\\
\\
І кожны, хто мяне спытае,\\
Пачуе толькі адзін крык:\\
Што хоць мной кожны пагарджае,\\
Я буду жыць! – бо я мужык!\\
\\
1905

 


===== Падобныя старонкі =====
  * [[творы/якуб-колас/якуб-колас-мужык-і-пан]]
  * [[творы/цётка-алаіза-пашкевіч/цётка-мужык-не-змяніўся]]
  * [[творы/янка-купала/янка-купала-пясняр-беларускага-народа]]
  * [[творы/ян-чачот/ян-чачот-як-то-добра-калі-мужык]]
  * [[творы/уладзіслаў-галубок/уладзіслаў-галубок-доля-мужыка]]