~~META:
title = Янка Купала — Мароз
&keywords = хадзіце, госці
&abstract = Чытаць верш Янкі Купалы "Мароз"
&iftrue = nan
~~

====== Янка Купала — Мароз ======
Іду я, сняжысты, ўсясільны,\\
Па сцежках-пуцінах пустых,\\
І ночкай, і днём безупынна\\
Пільную абшараў сваіх.\\
\\
Бязмежна, ўладарна паную\\
Пад сховаю пушчавых вех,\\
Каронаю бор мне зялёны,\\
А тронам-пасадам бел-снег.\\
\\
Палац мой – лес буйны, вяцвісты\\
Ірдзіцца брыльянтамі скрозь,\\
Мне воўк і мядзведзь у паслугах,\\
Мне служаць вавёрка і лось.\\
\\
Як пухам, сняжком пасыпаю\\
І хвою, і ёлку, і клён;\\
Хто ў госці ка мне забярэцца,\\
Тулю тых, галублю іх сон.\\
\\
І казкі шапчу ім аб шчасці,\\
І цемру зганяю з вачэй...\\
Хадзіце, хадзіце к Марозу!\\
Хадзіце у госці хутчэй!\\
\\
1921

 


===== Падобныя старонкі =====
  * [[творы/васіль-жуковіч/васіль-жуковіч-мароз]]
  * [[творы/цішка-гартны/цішка-гартны-зімовы-вечар]]
  * [[творы/мікола-чарняўскі/мікола-чарняўскі-новы-год]]
  * [[ibdc.ped>прывакзальная-плошча]]
  * [[ibdc.ped>аер]]