~~META:
title = Янка Купала — Жніво
&keywords = напевы, жніва
&abstract = Чытаць санет Янкі Купалы "Жніво"
&iftrue = nan
~~

====== Янка Купала — Жніво ======
Наспелая постаць шчаслівых пасеваў\\
За вёскай, на сонным лясоў рубяжы,\\
Ссівелы ўжо колас схінула к мяжы\\
У сумным шаптанні: «Дзе, жнеі мае вы?»\\
\\
І жнеі сышліся. – Направа, налева\\
Кладучы ў снапы каласы-старажы,\\
Зашасталі глуха сярпы, як нажы,\\
Пад жніўныя вечна старыя напевы.\\
\\
Спагадная, нудная песня плыве,\\
Губляючы ў пушчы свае пералівы,\\
У шэлестах белага коласу нівы.\\
\\
Плыве гэта песня ка мне і заве,\\
І ў сэрцы звініць, як каса у траве:\\
«Ты так жа, брат, сееш... а дзе тваё жніва?»\\
\\
1910

 


===== Падобныя старонкі =====
  * [[слоўнік/санет]]
  * [[творы/янка-купала/янка-купала-для-зямлі-прадзедаў-маіх]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[слоўнік/вянок-санетаў]]