Як сама царыца
Ў залатой кароне,
Йдзе яна ў вяночку
Паміж спелых гоняў.

З каласкоў вяночак –
Моладасці сведка –
На ёй зіхаціцца,
Як у садзе кветка.

На грудзях шчаслівых
Каптанок ружовы,
У руцэ сярпочак
Зублены, сталёвы.

Вецер абнімае
Стан яе дзявочы,
Сонца ёй цалуе
Шыю, твар і вочы.

Каласкі хінуцца
Перад ёй паклонна,
Дзівіцца ігруша
На мяжы зялёнай.

А яна – царыца –
Весела, шчасліва
Карануе песняй
Залатое жніва.

Смела йдзе у сонцы
Ўся сама – як сонца,
Гэта жнейка наша
У нашаей старонцы.

1911

• янка-купала/тэма-народнага-жыцця-і-любоў-да-радзімы-
• янка-купала/тэма-паэта-і-паэзіі-ў-творчасці-янкі-куп
• янка-купала/драматургічнае-майстэрства-янкі-купалы
• янка-купала/янка-купала-пясняр-беларускага-народа
• янка-купала/пошукі-героямі-шляхоў-да-шчаслівага-жыцц