~~META:
title = Янка Купала — Для зямлі прадзедаў маіх...
&keywords = зямля
&abstract = Чытаць санет Янкі Купалы "Для зямлі прадзедаў маіх..."
&iftrue = nan
~~

====== Янка Купала — Для зямлі прадзедаў маіх... ======
Я табе, зямля мая прадзедаў маіх,\\
Не патраплю нічога жалець на свеце,\\
На свет цэлы гатоў твой прыгон апеці\\
І ўзнясці пасад на магілішчах тваіх.\\
\\
Я цябе душой рад бы сваёй сагрэці\\
І карону сплесці з сонца, зор залатых,-\\
На цябе карону ўзлажыць, каб хоць на міг\\
Заяснела ты ў цяжка дабытым цвеце.\\
\\
За цябе загінуць гатоў я ў барацьбе\\
З крыўдай той, што цярпіш ад людзей і Бога,\\
Ад чужынца і ад сына свайго сляпога...\\
\\
Буду ў вечнай мучыцца жальбе і кляцьбе...\\
І за гэта толькі прашу, малю цябе:\\
Не гані ты мяне ад свайго парога.\\
\\
1912

 


===== Падобныя старонкі =====
  * [[слоўнік/санет]]
  * [[творы/уладзімір-жылка/уладзімір-жылка-меч]]
  * [[творы/максім-багдановіч/максім-багдановіч-санет-замёрзла-ноччу-ш]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[слоўнік/вянок-санетаў]]