~~META:
title = Янка Купала — Асёл і яго цень
&keywords = асёл, цень
&abstract = Чытаць байку Янкі Купалы "Асёл і яго цень"
&iftrue = nan
~~

====== Янка Купала — Асёл і яго цень ======
Асёл, убачыўшы ў вадзе\\
Ў крынічнай свой асліны цень,\\
Здзівіўся, стаў, далей не йдзе,\\
Глядзіць ды думае, як пень.\\
\\
Які тут чорт намаляваў\\
Мяне інакшым, як я ёсць?\\
Такія вушы падаваў,\\
Так пакрывіў на спіне косць!\\
\\
I, каб сябе не аглядаць\\
Ды разагнаць сваю нуду,\\
Ён капытом давай мяшаць\\
З гразёю чыстую ваду.

 


===== Падобныя старонкі =====
  * [[творы/казімір-камейша/казімір-камейша-я-і-цень]]
  * [[творы/янка-купала/тэма-паэта-і-паэзіі-ў-творчасці-янкі-куп]]
  * [[творы/янка-купала/тэма-народнага-жыцця-і-любоў-да-радзімы-]]
  * [[творы/янка-купала/янка-купала-пясняр-беларускага-народа]]
  * [[творы/янка-купала/драматургічнае-майстэрства-янкі-купалы]]