~~META:
title = Янка Купала — Адцвітанне
&keywords = толькі, сэрца, думка
&abstract = Чытаць верш Янкі Купалы "Адцвітанне"
&iftrue = nan
~~

====== Янка Купала — Адцвітанне ======
Не шасцяць каласы.\\
Звон не валіцца з касы.\\
Не кладуцца ў стог пласты,\\
Толькі сыплюцца лісты\\
На яловыя кусты,\\
На сухія верасы.\\
\\
Не іскрыцца небазор,\\
Не цвіце трава-чабор.\\
Не цыгліць птушыны стан,\\
Толькі поўзае туман,\\
Вецер б’е ў нямы курган, –\\
Шапаціць імглісты бор.\\
\\
Змога вольная снуе,\\
Вочы ўставіўшы свае,\\
То галубне, то пужне.\\
Сэрца б’ецца у паўсне.\\
Думка сэрцу аб вясне\\
Здрадны голас падае.\\
\\
1909\\
\\


Крыніца: Купала Я. Поўны збор твораў. У 9 т. Т. 2. Вершы, пераклады 1908-1910. – Мн., Маст. літ., 1996. – 342 с.

 


===== Падобныя старонкі =====
  * [[творы/янка-купала/янка-купала-пясняр-беларускага-народа]]
  * [[творы/янка-купала/пошукі-героямі-шляхоў-да-шчаслівага-жыцц]]
  * [[творы/янка-купала/драматургічнае-майстэрства-янкі-купалы]]
  * [[творы/янка-купала/тэма-паэта-і-паэзіі-ў-творчасці-янкі-куп]]
  * [[творы/янка-купала/тэма-народнага-жыцця-і-любоў-да-радзімы-]]