Пісьменства

Гэтая старонка толькі для чытання. Вы можаце паглядзець яе зыходны тэкст, але не можаце яго змяніць. Паведаміце адміністратару, калі лічыце, што гэта няправільна.

~~META:
title = Янка Купала — Хлопчык і лётчык
&keywords = Купала, лётчык
&abstract = Чытаць верш Янкі Купалы "Хлопчык і лётчык"
&iftrue = nan
~~

====== Янка Купала — Хлопчык і лётчык ======
— Мой мілы таварыш, мой лётчык,\\
Вазьмі ты з сабою мяне!\\
Я — ведай — вялікі ўжо хлопчык\\
I ўмею ўжо лётаць у сне.\\
\\
Мне мама сягоння казала,\\
Што стукнула мне ўжо сем год.\\
Табе гэта, можа, і мала,\\
А мне ляцець толькі ў палёт.\\
\\
Мне ўжо надакучыла дома —\\
У дзіцячы хадзі адно сад.\\
А так паглядзеў бы, вядома,\\
На іншы парадак і лад.\\
\\
Вазьмі ж мяне, лётчык, хачу я\\
Пабыць у людзях, паглядзець,\\
Як месяц на небе начуе,\\
Як блукае ў лесе мядзведзь,\\
\\
Як свецяцца ночкаю зоры,\\
А днём не відаць іх чаму,\\
Як рэчкі ў далёкія моры\\
Улетку плывуць і ўзіму.\\
\\
На моры зірнуць хоць раз вокам,\\
Як ходзяць па іх караблі,\\
Ляцеці далёка, высока\\
Ды так пабываць і ў Крамлі...\\
\\
Вось гэтак у добрым здароўі\\
Мы будзем ляцець і ляцець.\\
Вазьмі ж мяне, лётчык, з сабою,\\
Не будзеш ты клопату мець!

 


===== Падобныя старонкі =====
  * [[ibdc.ped>легендарны-ваенны-лётчык]]
  * [[творы/пятрусь-макаль/пятрусь-макаль-голас-вечнага-хлопчыка]]
  * [[творы/клаўдзія-каліна/клаўдзія-каліна-хлопчык-пакідайчык]]
  * [[творы/уладзімір-дубоўка/уладзімір-дубоўка-праўдзівы-хлопчык]]
  * [[творы/авяр-ян-дзеружынскі/авяр-ян-дзеружынскі-бусел-і-хлопчык]]