~~META:
title = Янка Золак — Чорнай птушкаю ночка засне...
&keywords = яшчэ, раны, свабоды
&abstract = Чытаць верш Янкі Золака "Чорнай птушкаю ночка засне..."
&iftrue = nan
~~

====== Янка Золак — Чорнай птушкаю ночка засне... ======
Чорнай птушкаю ночка засне,\\
Мігацяць залацістыя зоры;\\
Разам з імі ў пакутлівым сне\\
Абыходжу Радзімы прасторы.\\
\\
Бачу я, што паўсюдна вайна\\
Прынясла незалечныя раны;\\
Дзе віхурай прайшлася яна –\\
Нівы кроўю заліты, стаптаны.\\
\\
Ліхаімцы рабуюць дабро,\\
Забіваюць жанок, малалетак,\\
Разліваюць нявінную кроў\\
I драсуюць сялянскі палетак.\\
\\
Ды жыве яшчэ вера ў вачах\\
Юных носьбітаў нашай свабоды.\\
Любы край наш яшчэ не зачах, –\\
Яго веліч убачаць народы.\\
\\
Прыйдзе час – лепшай долі гады,\\
Мы залечым крывавыя раны.\\
Загучыць тады смех малады\\
На прасторах, красою убраных.\\
\\
6 чэрвеня 1943 г

 


===== Падобныя старонкі =====
  * [[творы/янка-золак/янка-золак-мой-дух]]
  * [[творы/янка-золак/янка-золак-прыйсце]]
  * [[творы/янка-золак/янка-золак-божа-ўсяўладны]]
  * [[творы/янка-золак/янка-золак-газэла]]
  * [[постаці/янка-золак]]