~~META:
title = Янка Золак — Цвет вішні
&keywords = цвет, вішні, бела-ружаваты, глядзіцца, нашае, вакно
&abstract = Чытаць рандэль Янкі Золака "Цвет вішні"
&iftrue = nan
~~

====== Янка Золак — Цвет вішні ======
Цвет вішні бела-ружаваты\\
Глядзіцца ў нашае вакно\\
Й нібы гаворыць, што даўно\\
Вясна ўжо ходзіць каля хаты.\\
Твае смяюцца вачаняты\\
I грэюць сэрца мне ізноў.\\
Цвет вішні бела-ружаваты\\
Глядзіцца ў нашае вакно.\\
Жаўрук спявае, як наняты,\\
Яго ў паднеб’і не відно,\\
Ды спеў яго такі багаты!\\
П’яніць мяне, нібы віно,\\
Цвет вішні бела-ружаваты.\\
\\
20 красавіка 1992 г.

 


===== Падобныя старонкі =====
  * [[слоўнік/рандэль]]
  * [[творы/янка-золак/янка-золак-прыйсце]]
  * [[постаці/янка-золак]]
  * [[творы/янка-золак/янка-золак-божа-ўсяўладны]]
  * [[творы/янка-золак/янка-золак-газэла]]