~~META:
title = Янка Золак — У пошуках долі
&keywords = ўначы, ўдзень, слова, ідучы, краінай, цісне, ласкай, роднае
&abstract = Чытаць верш Янкі Золака "У пошуках долі"
&iftrue = nan
~~

====== Янка Золак — У пошуках долі ======
Цісне грудзі мне скруха-навала,\\
Цісне, душыць і ўдзень і ўначы.\\
Дзе-ж ты, доля мая, запрапала?\\
Мо’ прыстала ў палёх, ідучы?\\
\\
З ціхім плачам гамоняць у гаю\\
Кроны сумныя белых бяроз.\\
Хоць я песню калі й заспяваю,\\
Зрок туманіцца вільгаццю слёз.\\
\\
Хай сумуюць бярозы у гаю!\\
Па шляхох Беларусі пайду:\\
Або долю сваю напаткаю,\\
Або крыж пад бярозай знайду.\\
\\
Я іду, а над роднай краінай\\
Цёмнай хмарай ляцяць крумкачы,\\
Не даюць мне прасветлай хвіліны\\
I спакою ні ўдзень, ні ўначы.\\
\\
Я іду, а прысады шапочуць\\
Мне ціхутка і ўдзень і ўначы,\\
Нібы голлем сказаць яны хочуць:\\
«Долю знойдзеш, з людзьмі ідучы!»\\
\\
2 кастрычніка 1941

 


===== Падобныя старонкі =====
  * [[творы/янка-золак/янка-золак-мой-дух]]
  * [[творы/янка-золак/янка-золак-прыйсце]]
  * [[творы/янка-золак/янка-золак-газэла]]
  * [[творы/янка-золак/янка-золак-божа-ўсяўладны]]
  * [[постаці/янка-золак]]