~~META:
title = Янка Золак — У грудзях – пачуццяў бура...
&keywords = бура, здуру, вяроўку
&abstract = Чытаць верш Янкі Золака "У грудзях – пачуццяў бура..."
&iftrue = nan
~~

====== Янка Золак — У грудзях – пачуццяў бура... ======
У грудзях – пачуццяў бура,\\
Ў галаве – ад думак вятругі:\\
Звар’яцела Беларусь і, здуру,\\
На сябе надзела ланцугі;\\
\\
Канапляную звіла вяроўку,\\
Каб зрабіць дабротную пятлю\\
I ўсадзіць туды сваю галоўку,\\
Як з Расіяй пажадае «шлюб».\\
\\
Не хачу пры гэтакай нагодзе\\
На хаўтурах Бацькаўшчыны быць.\\
Ці ж сапраўды ты здурнеў, народзе,\\
I пажыць не хочаш без журбы?\\
\\
Ліпень-жнівень 1994 г.

 


===== Падобныя старонкі =====
  * [[ibdc.ped>душа-народа]]
  * [[творы/якуб-колас/якуб-колас-народ-у-трылогіі-на-ростанях-]]
  * [[творы/юрась-свірка/юрась-свірка-верны-крэўнаму-брацтву]]
  * [[творы/васіль-зуёнак/васіль-зуёнак-будучыня]]
  * [[творы/якуб-колас/служэнне-народу-асноўны-абавязак-мастака]]