~~META:
title = Янка Золак — Танкі
&keywords = песню, цаль, свет
&abstract = Чытаць "Танкі" Янкі Золака
&iftrue = nan
~~

====== Янка Золак — Танкі ======
**I**

Песню ў лёт пусці,\\
Хай яна чаруе свет!\\
Не заўжды ў жыцці\\
Вішня дасць і ўвосень цвет.\\
Сэрцу-ж – двойчы не цвісці.\\


**II**

Крок людзей заўжды\\
Скіраваны проста ўдаль!\\
Нашыя сляды –\\
Пена ў отмуці ад хваль.\\
Ад радзін да смерці – цаль.\\


**III**

Песню прапела\\
Яна ў белым хораме.\\
Песня нясмела\\
Птахам за горамі\\
Мляўка у стоме асела.\\
\\
4-6 жніўня 1951 г.

 


===== Падобныя старонкі =====
  * [[творы/рыгор-крушына/рыгор-крушына-японскія-танкі]]
  * [[творы/янка-золак/янка-золак-газэла]]
  * [[творы/янка-золак/янка-золак-божа-ўсяўладны]]
  * [[слоўнік/танка]]
  * [[творы/янка-золак/янка-золак-прыйсце]]