~~META:
title = Янка Золак — Роднае слова
&keywords = ласкай
&abstract = Чытаць верш Янкі Золака "Роднае слова"
&iftrue = nan
~~

====== Янка Золак — Роднае слова ======
Над палеткамі роднага краю\\
Праняслася пажога вайны,\\
Спапяліла шалёную зграю,\\
Абудзіла спрадвечныя сны;\\
\\
Разбудзіла радзімую мову\\
I яна паляцела у свет.\\
Беларускае роднае слова,\\
Я вітаю цябе, твой паэт!\\
\\
Ты ўзышло на суцэльных руінах,\\
Цёплай ласкай сагрэла душу.\\
Над маёю знядбанай краінай\\
Хай плыве няўміручы твой шум;\\
\\
Абдары сваёй ласкай сардэчнай\\
Нашы мары, надзеі і дні;\\
Няўміручае, спеўнае! Вечна\\
Над калыскай дзіцячай звіні!\\
\\
Сей разумную праўду народу,\\
Абуджай, заклікай і вядзі.\\
Як паходня ў баях за свабоду\\
Беларускаму люду свяці!\\
\\
23 ліпеня 1942 г.\\
6 верасня 1994 г.

 


===== Падобныя старонкі =====
  * [[слоўнік/слова]]
  * [[ibdc.ped>роднае-слова]]
  * [[творы/іншае/слова-пра-паход-ігаравы]]
  * [[ibdc.ped>хто-ж-аўтар-слова-пра-паход-ігаравы]]
  * [[творы/рыгор-крушына/рыгор-крушына-слова]]