~~META:
title = Янка Золак — Прыйсце
&keywords = прыйсце
&abstract = Чытаць санет Янкі Золака "Прыйсце"
&iftrue = nan
~~

====== Янка Золак — Прыйсце ======
Мой дух, узвіўшыся ў прасторы,\\
Да сонца, зораў і планет,\\
Глядзіць з вышынь на Божы свет\\
Істужкі рэк, грамады гораў.\\
\\
I бачыць ён: як прывід-змора,\\
Блукае ў цемры з веку ў век\\
Сварлівы, злосны чалавек –\\
Каваль жыцця і дойлід гора.\\
\\
Яму насустрач – яркі промень\\
Свідруе цемру, крышыць, ломіць,\\
Бы крохкае й сухое лісце.\\
\\
Шточас імклівей ды іскрысцей\\
Ідзе магутным ледаломам\\
Жаданае вякамі Прыйсце.\\
\\
3 лютага 1958 г.

 


===== Падобныя старонкі =====
  * [[творы/максім-багдановіч/максім-багдановіч-санет-замёрзла-ноччу-ш]]
  * [[слоўнік/вянок-санетаў]]
  * [[слоўнік/санет]]
  * [[творы/максім-багдановіч/максім-багдановіч-санет-паміж-пяскоў-егі]]
  * [[творы/янка-купала/янка-купала-для-зямлі-прадзедаў-маіх]]