~~META:
title = Янка Золак — Газэла
&keywords = ружа
&abstract = Чытаць газэлу Янкі Золака
&iftrue = nan
~~

====== Янка Золак — Газэла ======
За вакном маім ластаўкі кружаць...\\
Пасля дожджыка яркая ружа\\
\\
Усміхаецца ласкавей неяк.\\
I п’яніць мяне водарам ружа.\\
\\
Маё сэрца цяпер палымнее,\\
Як расцвіўшая толькі што ружа.\\
\\
I душа мая гэтак-жа свежа,\\
Як абмытая дожджыкам ружа.\\
\\
Я гляджу на весёлкі мярэжу...\\
Гэта – ярка цвіце ў небе ружа.\\
\\
Я і сам маладзею, мой дружа,\\
Як пад сонцам і дожджыкам ружа.

\\
\\
25 снежня 1965 г.

 


===== Падобныя старонкі =====
  * [[постаці/янка-золак]]
  * [[творы/янка-золак/творчасць-янкі-золака]]
  * [[творы/янка-золак/янка-золак-мой-дух]]
  * [[творы/янка-золак/янка-золак-прыйсце]]
  * [[творы/янка-золак/янка-золак-божа-ўсяўладны]]