~~META:
title = Янка Золак — Белая, светлая, чыстая...
&keywords = Беларусь, маці, доля, белая, светлая, чыстая
&abstract = Чытаць верш Янкі Золака "Белая, светлая, чыстая..."
&iftrue = nan
~~

====== Янка Золак — Белая, светлая, чыстая... ======
Белая, светлая, чыстая,\\
Мой галасісты жаўрук!\\
Ты – мая доля вячыстая\\
Маці мая – Беларусь!\\
\\
Летняй улевай купаная,\\
Першага снегу бялей.\\
Толькі адна ты каханая,\\
Цэлага свету мілей.\\
\\
Свежай расою абмытая,\\
Многа ты зведала скрух\\
Сынам сваім не забытая\\
Маці мая – Беларусь.\\
\\
Доля твая не згалелая,\\
Ты яшчэ ўбачыш зару,\\
Светлая, чыстая, белая\\
Маці мая – Беларусь!\\
\\
22 сакавіка 1985 г

 


===== Падобныя старонкі =====
  * [[творы/янка-золак/янка-золак-божа-ўсяўладны]]
  * [[творы/янка-золак/янка-золак-газэла]]
  * [[творы/янка-золак/янка-золак-прыйсце]]
  * [[постаці/янка-золак]]
  * [[творы/янка-золак/янка-золак-мой-дух]]