~~META:
title = Янка Журба — Янук у лесе
&keywords = колькі, хлапчук, янку, рабіны, бярозы
&abstract = Чытаць верш Янкі Журбы "Янук у лесе"
&iftrue = nan
~~

====== Янка Журба — Янук у лесе ======
На ўсходзе румяніцца неба...\\
Янук выганяе карову,\\
Спяшаецца вельмі хлапчук.\\
\\
Дагнаўшы старога Міколу\\
З вялікай трубой серабрыстай,\\
У лес паімчаўся хлапчук...\\
\\
А вось і калгасная пушча,\\
А колькі тут рознай прынады,\\
А колькі чырвоных суніц!..\\
\\
Зайшоў ён у самую гушчу:\\
Ён кожнаму кусціку рады,\\
Бо лес так прыемна шуміць,\\
\\
I Янку заўсёды ён вабіць\\
Разложыстым дахам зялёным\\
I гоманам птушак лясных.\\
\\
Тут стромкія ясені, грабы,\\
Бярозы, рабіны і клёны,\\
Тут водар смалістай сасны.\\
\\
Дол выслан сунічнікам, лісцем,\\
Цвіце каляровасцю кветак,\\
Што зораць вясёлкай-расой.\\
\\
I хлопчыку ўсё люба ў лесе,\\
Ўсё Янку страчае прыветна,\\
Ўсё цешыць красою сваёй.\\
\\
1940

 


===== Падобныя старонкі =====
  * [[творы/янка-журба/жыццёвы-і-творчы-шлях-янкі-журбы]]
  * [[творы/янка-журба/янка-журба-братняй-украіне]]
  * [[творы/янка-журба/янка-журба-коцік]]
  * [[творы/янка-журба/янка-журба-вясна-ідзе]]
  * [[творы/янка-журба/янка-журба-залацісты-вечар-дагарае]]