~~META:
title = Янка Журба — Янка-баяніст
&keywords = янка, клуб, добры, трактарыст, спеў, калгасе, працавіты, слаўны, камсамолец, баяніст
&abstract = Чытаць верш Янкі Журбы "Янка-баяніст"
&iftrue = nan
~~

====== Янка Журба — Янка-баяніст ======
У калгасе нашым Янка –

Слаўны баяніст,

Камсамолец працавіты, –

Добры трактарыст.

\\
Сёння ў клубе вечарынка

Ўжо шуміць даўно.

Пазірае ў клуб лагодна

Месяц праз акно.

\\
Во дзяўчаты заспявалі,

Янка ўміг да іх.

Ён усіх баянам цешыць –

Маладых, старых.

\\
Заспяваў Янук пра Нёман, –

Клуб увесь прыціх.

Спеў прывабны, спеў натхнёны

Захапляе ўсіх.

\\
А як рушыў Янка ў танцы –

Задрыжэў наш клуб,

Бура воплескаў навокал:

Янка ўсім нам люб.

\\
У калгасе нашым Янка –

Слаўны баяніст,

Камсамолец працавіты, –

Добры трактарыст.

\\
\\
Крыніца: Журба Я. Вершы. Мн., "Нар. асвета", 1970. – 144 с.

 


===== Падобныя старонкі =====
  * [[творы/янка-журба/янка-журба-вясна-ідзе]]
  * [[творы/янка-журба/янка-журба-братняй-украіне]]
  * [[творы/янка-журба/янка-журба-коцік]]
  * [[творы/янка-журба/жыццёвы-і-творчы-шлях-янкі-журбы]]
  * [[творы/янка-журба/янка-журба-залацісты-вечар-дагарае]]