~~META:
title = Янка Журба — Шпак
&keywords = шпак, вясна
&abstract = Чытаць верш "Шпак" Янкі Журбы
&iftrue = nan
~~

====== Янка Журба — Шпак ======
Зніклі завірухі,\\
К нам вясна прыйшла;\\
Веснавое сонца\\
Многа шле цяпла.

Сёння раніцою\\
Прыляцеў к нам шпак,\\
Сеў ён на бярозцы\\
I спявае так:

«Выхадзіце, дзеці,\\
Сустракаць вясну!\\
Устала ўжо прырода\\
З зімовага сну.

На лугу ўжо скора\\
Кветкі зацвітуць,\\
А над імі пчолкі\\
Звонка загудуць».

Шлюць шпаку рабяты\\
Дружны свой адказ:\\
«Шчыра мы вітаем\\
Твой зварот да нас!

На бярозе стройнай\\
Для цябе, дружок,\\
Мы даўно зрабілі\\
Новенькі дамок».

\\
1922

 


===== Падобныя старонкі =====
  * [[ibdc.ped>бясхвосты-шпак]]
  * [[творы/кастусь-жук/кастусь-жук-шпак-купіў-магнітафон]]
  * [[ibdc.ped>шпак]]
  * [[творы/яўген-крупенька/яўген-крупенька-шпак]]
  * [[творы/генадзь-бураўкін/генадзь-бураўкін-шпак-спявае]]