~~META:
title = Янка Журба — У зімовы вечар
&keywords = добра, шпарка, пралятае
&abstract = Чытаць верш Янкі Журбы "У зімовы вечар"
&iftrue = nan
~~

====== Янка Журба — У зімовы вечар ======
Маці адвячоркам\\
Села ля акна:\\
Хоча дзецям казку\\
Расказаць яна.\\
\\
Каля роднай мамкі\\
Селі мы ў радок.\\
Нам прытульна, добра,\\
Цёплы наш куток.\\
\\
Завіруха вые\\
Ў цемрадзі пустой.\\
Палілася казка\\
Хваляй залатой.\\
\\
Пра таго асілка,\\
Што павёў народ,\\
Каб прагнаць з краіны\\
Ўвесь варожы род.\\
\\
Слухаем уважна\\
Мы матульчын сказ.\\
Шпарка пралятае\\
Наш вячэрні час.\\
\\
Роем нашы думкі\\
Хуценька плывуць\\
Ўдаль, за акіяны,\\
Ў небяспечны пуць.\\
\\
Хай завеі ў полі,\\
Хай і сівер там, –\\
Тут, у цёплай хаце,\\
Добра з маткай нам.\\
\\
1921

 


===== Падобныя старонкі =====
  * [[творы/янка-золак/янка-золак-ода-маці]]
  * [[ibdc.ped>сустрэча-з-маці]]
  * [[ibdc.ped>на-скрыжаванні]]
  * [[ibdc.ped>i-надыходзіць-дзень]]
  * [[ibdc.ped>да-маці]]